بسم الله الرحمن الرحيم

السلام عليكم ورحمة الله تعالى وبركاته

والصلاة والسلام على رسول الله محمد صلى الله عليه وآله وصحبه وسلم

حبيباتي وأخواتي


اليوم الكيكة شكل ثاني يرفع الرأس

فكرتها حلوة وظريفة

وطعمتها لذيذة وخفيفة

تنفع للصغار مشان يفرحوا ويساعدوك فيها

وتنفع للكبار مشان ينبسطوا وهنن عم ياكلوا شكل والطعم مختلف عن الشكل


بصراحة كان تفكيري بشكل كيكة آخر تماماً

بس لضيق الوقت ولأنو كان لازم حضر من قبل

شكل الكيكة وقصها بالشكل المطلوب

فعملت شكل ثاني لها أسرع وأسهل

وإن شاء الله الشكل اللي أجلته بحطه بعدين
لن أطيل عليكن حبيباتي

وخلينا نبلش بسم الله :

أول شيء بصراحة جبت خلطة كيك جاهزة

يعني بس ضفت لها مثل ما كانوا طالبين بيض وزيت وماء

وخبزتها بقالب التشيز كيك

وبصراحة شفته أسهل وأفضل لإخراج الكيكة فيما بعد

قسمت الكيكة قسمين



ودهنتهم بالكريمة

ثم وضعت قطع فواكه متنوعة على احدى القسمين

ثم قلبت القسم العلوي فوق القسم السفلي

قبل ما تشوفوا هالصورة لا تعيبوا علي

أنا وابني منحب وجه الكيك هههههههههههه

مشان هيك طالع يا حرام وكأنه متاكل وجهه خخخخخخ

ثم قمت بعمل الكريمة الملونة

كريمة خضراء وكريمة حمراء

ودهنت من الكريمة الخضراء على حواف الكيكة




ثم دهنت الكريمة الحمراء على أعلى الكيكة

وصرت أزرع على الوجه بزور البطيخ واللي هي عبارة عن حبيبات الشوكولاته

من هيرشيز وصورت لكم الكيس لتعرفوها تمام



حاولت لما عملت الكريمة حمراء أني غمق اللون

بس ما كان يغمق معي وما معقول ضل عم زيد بالصبغة

فمشان هيك استعنت لتغميق اللون الأحمر بصوص الفراولة وكمان صورته لكم

لأنه بالفعل خلى اللون الأحمر يغمق أكثر

وعطى كمان طبقة لماعة للوجه



وهيدي الكيكة أثناء التقطيع













وهيدي أول قطعة ويا ريتني بالفعل ضيفها بالحقيقة لكن حبيباتي






وانتظروني إن شاء الله وبعونه تعالى في المزيد من أشكال حلوياتي الجديدة

والسلام عليكن حبيباتي